” लुटपाट पश्चात् हत्या गरी फरार व्यक्तिहरुलाई पक्राउ गरेकाे छ।
महानगरीय अपराध महाशाखाबाट खटिएको प्रहरी टोलीले मृतक चन्द्र बहादुर याेञ्जन (लामा)काे हत्यारा हरूलाई काठमाडौंकाे विभिन्न स्थानबाट पक्राउ गरेकाे हाे ।
रामेछाप जिल्ला सोनापती गाउँपालिका-३, स्थायी घर भई हाल जिल्ला भक्तपुर चाँगुनारायण नगरपालिका वडा नं.-८ सुडाल बस्ने ६१ वर्षको चन्द्र बहादुर योञ्जन (लामा) को पसलमा २०७७ असाेज २१ गते आएका दुई जना अपरीचित व्यक्तिहरुले वियर समेत सेवन गरी आफन्तलाई जग्गा चाहिएको छ भन्ने बहाना बनाई लामा योञ्जनलाई जग्गा हेर्न भनी पसल भन्दा १ कि.मी. पर विडोलफाँट रहेको धानखेतमा लगी कुटपिट गरी निजको साथमा रहेको सुनको ब्रासलेट तथा मोवाईल समेत लुटी फरार भएका थिए । मृतक चन्द्र याेञ्जनको उपचारको क्रममा ग्रीनसिटी अस्पताल बसुन्धरामा मृत्यू भएको थियाे । घटनामा संलग्न व्यक्तिहरुलाई महानगरीय अपराध महाशाखाबाट खटिएको प्रहरी टोलीले काठमाण्डौंका विभिन्न स्थानबाट शेर्पा भन्ने कामी लामा,रमेश तामाङ (ज्वाला तामाङ,) र प्रेम तामाङलाई पक्राउ गरि थप अनुसन्धान अघि बढाएकाे एस्पि दिपक थापाले बताउनु भयाे।
अनुसन्धान विवरण
अनुसन्धानको क्रममा शेर्पा भन्ने कामी लामा समेतले मृतकसँग रकम लिन बाँकी रहेको र मृतकले रकम दिन आनाकानी गरेको कारण मृतक चन्द्र बहादुर योञ्जन लामालाई कुटपीट गरेर भए पनि रकम असुल्नको लागी रमेश तामाङ्गलाई बोलाई मिति २०७७/६/१८ गते काठमाण्डौ नयाँबस्तीमा शेर्पा भन्ने कामी लामा र रमेश तामाङ्ग लगायतका व्यक्तिहरू बसी मृतकको घर पहिचान गरि योजना बनाएको । योजना मुताविक मिति २०७७/६/२१ गते रमेश तामाङ्ग र प्रेम तामाङ्ग बा.९६ प. ७११४ नं.को बजाज Pulsar NS 200 मोटरसाईकलमा भक्तपुर सुडाल तर्फ गई कामी लामा समेतलाई भेटी मृतकको पसलमा गई वियर सेवन गरी आफन्तलाई जग्गा चाहिएको कुरा गरेको र मृतकसँग जग्गा बिक्रीबाट आउने फाईदा बाड्नुपर्छ भनी प्रलोभन तथा बहाना बनाई जग्गा हेर्ने बहानामा विडोलफाँट तर्फ गएको । एकान्तमा रहेको धानखेतमा निजहरूले मृतकलाई अनुहार, छाती र पेटको भागमा हात र खुट्टाले कुटपिट गरी घाईते बनाई निजको साथमा रहेको सुनको ब्रासलेट (२ तोला २ लाल) तथा मोवाईल लुटी मोटरसाईकलमा फरार रहेकोमा उपचारको क्रममा चन्द्र बहादुर योञ्जनको ग्रीनसिटी अस्पातालमा मिति २०७७/६/२२ गते बिहान ५:०० बजे मृत्यू भएको ।
पक्राउ अभियुक्तहरु :
१, नाम : शेर्पा भन्ने कामी लामा
उमेर : ३७ वर्ष
ठेगाना : जिल्ला सिन्धुपाल्चोक, बाह्रबिसे नगरपालिका-२,
लेखर्क घर भई हाल काठमाण्डौं थली बस्ने
२, नाम : रमेश तामाङ (ज्वाला तामाङ)
उमेर : २३ वर्ष
ठेगाना : जिल्ला सिन्धुपाल्चोक चौतारा बतासे न.पा.-२
(हाल का.म.पा- ७, बौद्द )
३, नाम : प्रेम तामाङ
उमेर : २७ वर्ष
ठेगाना : जिल्ला रामेछाप धोवि गाउँपालिका-५ (हाल का.म.पा- ७
बौद्द)
बरामद सामानहरु:
घटनामा प्रयोग भएको बा.९६ प. ७११४ को बजाज Pulsar NS 200
मोटरसाईकल
मृतकले प्रयोग गर्ने itel ब्राण्डको मोबाईल फोन
सुन बिक्रिबाट प्राप्त रकम रू. १,५५,०००/- मध्य रू. ५४,६००/-
ROX लेखिएको हेल्मेट
गालेको सुन (१ तोला २ लाल)